Prabhu mein jag ya jag mein prabhu?.

Mera ek prashn hai prabhu,

Dede uska hal tu prabhu,

Har pal sochun mein ye prabhu,

Prabhu mein jag ya jag mein prabhu?

Jab prabhu teri pratima dekhi,

Mene usme hari srishti dekhi,

Jab srishti ki zankhi dekhi,

Usme teri parchanyi dekhi....

Subah uthkar suraj ko dekha,

Tab usme tera mukh dekha,

Jab tere mukh ko dekha,

Usme siraj ka tej dekha.......

Srishti ke kan kan mein prabhu,

Adbhut tera ye vas hai,

Tere har ang ang mein prabhu,

Hari srishti ka bhaas hai.......

Mera ek prashn hai prabhu,

Dede uska hal tu prabhu,

Har pal sochun mein ye prabhu,

Prabhu mein jag ya jag mein prabhu?.